जितियो भनेर नफुल्नू

जितियो भनेर नफुल्नू फेरि
उत्तरदायित्व नभुल्नू फेरि

राष्ट्रको ढुकुटी आफनै गोजीमा
अँचेटी अँचेटी नहुल्नू फेरि

जनचाहनालाई कुठाराघात गरी
सत्ताकै आसपास नडुल्नू फेरि

उत्तरी शक्ति या दक्षिणी शक्तिले
झुलाउन खोज्लान् नझुल्नू फेरि

भ्रष्टाचार, दुराचार भएको भाँडोमा
मिस्सेर त्यसैमा नघुल्नू फेरि

जनताले खर्चेको रगत, पसीना
नपरोस् जनतैले असुल्नु फेरि