न त्यो रोक्न खोज्दा कतै रोक्न सक्थे
न त्यो छोप्न खोज्दा कतै छोप्न सक्थे ।
सधै देखिने थ्यो लुकेको जवानी
मेरो त्यो जवानी मेरो त्यो निसानी ।
सधै ओठमा देखिने थ्यो फुलेको
सधै छातीमा देखिने थ्यो खुलेको
कति थ्यो कति थ्यो मिठो त्यो कहानी
परेलीसँगै झिम्किने यो जवानी ।
सबै हेर्देथे फर्की फर्की मलाइ
सबै थूक निल्थे मलाइ नपाइ
न इच्छा थिए थ्यो जवानी न काबु
परैबाट हेर्थे लजाएर आफू ।
फुलेको थियो जिन्दगीको गुराँस
खुलेको थियो जिन्दगीको सुवास
बनाएछ कस्ले सीमाना यसोरी
प्रभुजी बरु पारी देउ किशोरी ।