गन्तब्यलाई चुम्नको निम्ति
अविराम यात्राको अथक यात्री बनेर
संसोधनवाद सुधारवाद दक्षिणपन्थका बिरुद्ध
अँझै एउटा लडाइँ लड्नु पर्छ
स्वाभिमानी युवाहरू,
देश बनाउन बढ्नु पर्छ
बिकृतिको फोहोर डङ्गुर,
सफाई गर्न बाँकी नै छ
त्यसैले त फेरि पनि एउटा लडाइँ लड्नु पर्छ
राष्ट्रप्रेमी युवाहरू देश बचाँउन बढ्र्नु पर्छ
पाश्चात्य नग्न, छाडा संस्कारले ग्रस्त भएको
अनकन्टार घारी छ
फेरि पनि म भन्छु,
यसलाई निमिट्यान्न पार्न,
अँझै क्रान्ति जारी छ
ए महासमरका माहान यात्रीहरू हो,
साझा बगैँचाको सुन्दर फूल फूलाउनको निम्ति
अँझै यहाँ धेरै धेरै संघर्ष गर्नु छ,
छलाङ्ग मार्दै हामीले ठूलो जंघार तर्नु छ
सति साल बनेर उभिएकोथियौ,
बतास चल्दा पनि ढल्न ढल्न खोज्छौ अरे,
गलेका थिएनै जेल र कठोर यातनाले,
अहिले त संघर्षका कुरा गर्दा,
तिमी फतक्क गल्छौ अरे,
चुनौति र क्रान्ति देखि हार खाई,
पलायनता रोज्दै छौ रे,
आफ्नो वर्ग धराताल बिर्सेर,
सुविधभोगी बन्न खोज्दै छौ रे,
खुट्टा तान्दै कसैलाई रोप्न खोछौ अरे,
पछाडिबाट छुरा,
यति चाँडै भुलिसक्यौ र ?
मानिसलाई स्पातिलो बनाउछ भन्ने कुरा,
यी निरास र कायरतालाई अन्त्य गरेर,
नयाँ जोश र जाँगरका साथ अघि बढ्नु पर्छ
अराजक्ता र संर्किण्ताका बिरुद्ध
फेरि एउटा लडाइँ यता पनि लड्नु पर्छ
हो यस्तै भ्रममा परेका मनहरूलाई
चिरफार गर्दै अघि बढ्नु पर्छ
त्यसैले त यिनै संस्कार बिरुद्ध
फेरि पनि एउटा लडाइँ अँझै लड्नु पर्छ ।
निश्चल गाउँले