खोला परें बिना पुलको त्यसैले त छाड्यौ मलाई

खोला परें बिना पुलको त्यसैले त छाड्यौ मलाई
कुलो परें बिना मुलको त्यसैले त छाड्यौ मलाई

कुन पापीको बेहोसीमा कुन वेश्याले जन्माएको
मान्छे परें बिना कुलको त्यसैले त छाड्यौ मलाई

ठूलो भीडमा नमिलेको मेरो एक्लो पहिचानले
म त परें बिना हुलको त्यसैले त छाड्यौ मलाई

सडक माथि आकाशको छहारी लिई हुर्किएको
मान्छे परें बिना झुलको त्यसैले त छाड्यौ मलाई

हजारौंले मन् पराउँने बगैचाको मग्मगाउँदो
बास्ना परें बिना फुलको त्यसैले त छाड्यौ मलाई

चाँगे: ५ ताप्लेजुंग
हाल: सिंगापुर