तँ चस्मा लगाउछ्स
माक्स लगाउछ्स
तँलाई
यो शहरको धुँवा धुलो देखि
कति डर लाग्छ है ?
अनि डर लाग्दैन?
यो धमिलो शहरका
धमिला मान्छेहरु देखि
भिडहरुमा
मलाई रोक्न
फुटेका ओठ तन्काउदै
कति कृतिम हाँसो हाँस्छस?
त्यो भिडलाई छोड्दे
तँ आफैँ पनि
त्यो भिड जत्तिकै हुन सक्छस
तँ भिडको पछि लाग्ने खालको त
पक्कै होइनस
अनि तँ धमिलिनेहरुमा पनि पर्दैनस सायद
कृतिम हाँसो हास्न छोड्दे
मलाई त धमिलिएको हेर्न मन छैन !
सिरानीमा शिर राखेर
पल्टी रहंदा
यस्तै गुनासो गर्छ
आँशु म संग