नहुर्किन्जेल तिम्रो छाती लुस्नु लुस्थें आमा
अमृतको दुइटा धारा चुस्नु चुस्थें आमा
शीतल तिम्रो छहारीमा लहरिँदा खेरी
राल सिङ्गान् तिम्रै जिउमा पुस्नु पुस्थें आमा
मेरो स्याहार गर्दा तिमी खुसी हुँदा हुँदै
टट्टी पिसाबसँग कति मुस्नु मुस्थें आमा
मलाई चित्त नबुझेर रुँदा फकाउँथ्यौ
त्यै बेलामा झनै घुर्क्याइ ठुस्नु ठुस्थें आमा
तिमीभन्दा सुन्दर स्वर्ग हुँदै नभएरै
सधैँ तिम्रो न्यानो काखमा घुस्नु घुस्थें आमा
चाँगे: ५, ताप्लेजुङ
हाल: सिंगापुर