मनमा शान्ति हुन्न रैछ गोप्य नाता गासेपछि
चट्टै भुल्न सकिन्न है मन मुटुमा टासेपछि
आफन्तको आँखाहरु छल गरेर हिंड्नु पर्छ
स्नेहले थाहै नपाई मनको हाँगा लासेपछि
मन परेको यात्रा रोजुँ आफन्त नै छुट्ने डर
जिन्दगी नि दोधार हुन्छ बाटो आफैं भासेपछि
धेरै कुरा ढाट्नु पर्छ एउटा झुटो सत्य बोल्न
नैतिकताको मुनाहरु आफूले नै नासेपछि
सोचे जस्तो हुन्न रैछ जिन्दगीमा कहिल्यै पनि
रातको आँसु सुके जस्तो बिहानीले हासेपछि
चाँगे: ५, ताप्लेजुङ
हाल: सिंगापुर