माया कति सुन्दर हुन्छ गरेपछि थाहा होला

  • by


माया कति सुन्दर हुन्छ गरेपछि थाहा होला
मृत्यु कति कुरूप हुन्छ भएपछि थाहा होला ।

भन्नेहरू भन्दै गर्छन् आफ्नो बाटो छोड्नु हुन्न ।
आवत-जावत टुट्यो भने सम्झ कति डाहा होला ।

तिमी नभै बाँच्नै म त सक्दिन कि मर्छु क्यार
भन्थ्यौ, सबै बिस्र्यौ भने भोलि फेरि घाहा होला ।

रोज्यौ भने पिरतीका नयाँ नयाँ बाटाहरू
कुरा काट्ने समाज छ, बुझ अनि हा.. हा.. होला ।

घुर्की नलाऊ टाढा हुँदा न्यास्रो कति गाढा भयो
मैले माया गर्न छोडे खरानी भै स्वाहा होला ।

-गोंगबु, काठमाडौँ

मधुपर्क पुष, २०६५

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *