बिपनीमा खुल्न सकेनौ, सपनीमा आइरहन्छौ
बाटो अन्तै मोडी सक्यो, ब्यर्थै किन रोइरहन्छौ?
एकतर्फी माया थिएछ, तिमीले पनि देखाउन सकिनौ
म पनि त अनजान थिएँ, इशारा तिम्रो बुझ्नै सकिन
ढिलोगरी खोल्यौ कुरा, बाँधिएका मनका कथा
त्यतिञ्जेलसम्म मैले यता, थामिसकेथे अरुकै हात
मननै त हो कहाँ मान्थे, तिमीजस्तै म पनि’त रोएँ
यस्तो लाग्यो कुनै कुरा, जानी-जानी मैले गुमाएँ
झार्दिन म अब आँशु, सपनीमा कहिले कतै नआउनु
यदा कदा यादहरू आए, गीत बनाई गुनगुनाई दिनु
बिपनिमा खुल्न सकेनौ, सपनीमा आइरहन्छौ
बाटो अन्तै मोडीसक्यो, ब्यर्थै किन रोइरहन्छौ?