जिन्दगी साँच्चै एक नाटक रहेछ
तपाँई हामी सबै केवल पात्र पात्रा
सिक्ने सिकाउने चलि रहन्छ यहाँ
कोहि शिक्षक त कोहि छात्र छात्रा।
समय लगातार अनुकूल हुँदा
लाग्छ यो हो कुनै दुईदिने जात्रा
केहि क्षणलाई मात्र यो प्रतिकूल हुँदा
लाग्छ सधै अषार श्रावन अनि भाद्रा।
सबै नाङ्गै आयौं र नाङ्गै जानु छ
इर्ष्या, लोभ, लालच, क्रोध र घमण्ड किन?
माया-मोह
हाँसो-रोदन
सुख-दु:ख
मिलन-बिछोड
सबै हिस्सहरु हुन यो जीवन रङ्गमंचको
बाँचुञ्जेल मिलेर
आ-आफ्नो भूमिका निभाउ न, हुन्न?