ड्राइभर भैयो बल्ल

DevGhishingDukhi


सकिएन धनीमानी करोडपति बन्न
ड्राइभर भइयो बल्ल गाडी चलाउने धन्न

बिहानदेखि साँझसम्म हुन्छु रोडमा व्यस्त
जति भए नि साहुलाई ठिक्क के काम गर्नु यस्तो
फुर्सद छैन कोही कोहीलाई आफ्नै धन गन्न
धेरै दुख कष्ट गरे यही ड्राइभर बन्न

कार कुदाउछु सरर मैयाँ जिस्काई रोड्मा
घर परिवार सम्झन्छु हरेक मोड मोड्मा
गल्ती केही नगरे नि खोज्छ ट्राफिकले हान्न
सजिलो छ सबैलाई ड्राइभर सा’ब भन्न

जरुरी छ जीवनमा ड्राइभरको यथार्थ जान्न
कहाँ छ र भनेझै सजिलो ड्राइभर बन्न ?

देव घिसिङ(दुखी)
पु.झा.०८ खनियाखर्का सिन्धुली
हाल- लाजिम्पाट, काठमाण्डौं

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *