नबजाउनु ईर्ष्यालु प्रशंसाको तालीहरू
आदर्शको कुरा गर्दै नथाप्दिनु जालीहरू
निर्दयी हातहरू कोपिला र फूल चुडाई
पूजा गर्न पापी मनले नबोक्नु थालीहरू
सान्त्वना नि दिने हुँदै भित्रभित्रै मज्जा लिंदै
जानिजानी नभाँच्नु है सिर्जनाको डालीहरू
कहिले त जिन्दगीमा अर्तीहरूभन्दा पनि
झनै प्यारो हुँदो रैछ सराप र गालीहरू
नैतिकताको मुहान कदापि नसुकाउनु
लच्के पनि भत्के पनि भरोसाको आलीहरू
चाँगे-५, नेसुम, ताप्लेजुङ
हाला: धरान-१०, सुनसरी, नेपाल