मनमा अब हाँसो खुसी भर्न पाइन्न कि


मनमा अब हाँसो खुसी भर्न पाइन्न कि
मर्नेबेला आफ्नै देशमा मर्न पाइन्न कि !

हराउँदै छ संस्कृति र परम्परा हाम्रो
मरेपछि स्वर्गलोकमा पर्न पाइन्न कि
मर्नेबेला आफ्नै देशमा मर्न पाइन्न कि !

जान्न मत लाहुर आमा भन्थें पैले म
डर थियो सजिलो काम गर्न पाइन्न कि
मर्नेबेला आफ्नै देशमा मर्न पाइन्न कि !

तिम्रै काखमा रोएँ हाँसे आजसम्म म
भोलि आँशु पाछ्यौरीमा छर्न पाइन्न कि !
मर्नेबेला आफ्नै देशमा मर्न पाइन्न कि

बाँचेभने आँउछु आमा तिम्रो मुखदेख्न
मरें भने सात समुद्र तर्न पाइन्न कि
मर्नेबेला आफ्नै देशमा मर्न पाइन्न कि !

मनसून
कुवैत

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *