यहाँ नेपालको आफ्नै, नाम चाहिएको छ
हरेक नागरिकलाई, काम चाहिएको छ
खै के बार्ता हुन्छ दिनहु, बन्द कोठाभित्र
कोहीलाई राज्य, कोहीलाई गाम चाहिएको छ
यति धेरै भ्रष्टचार, बढ्दै गयो कि यहाँ
जन्मदर्ता गर्दा समेत, खाम चाहिएको छ
छोड यार सिंगापुर र स्वीस बनाउने कुराहरू
साँझ बिहान खान पुग्ने, माम चाहिएको छ
गाली गर्नु पहिले देशलाई, माया गर्न सिकौ
हजार नेता हैन एउटा, राम चाहिएको छ
सूर्यप्रकाश भुसाल
गैडाकोट नगरपालिका -६, नवलपरासी