उ नदी सरी पछाडी कहिल्यै मुडिन
म समुन्द्र झैं अगाडि कहिल्यै बढिन
शुरुवात किन मैले नै गरुँ जहिले
उसको आफ्नै काईदा छ, मेरो आफ्नै काईदा छ
थाहा छ सम्बन्ध खुकुलिँदै छ अहिले
न उस्लाई फाईदा छ, न मलाई फाईदा छ
मेरो आफ्नै स्वाभिमान, म कहिल्यै झुकिन
उस्को आफ्नै अभिमान, बुझाँउदा बुझिन
उठाएर हात मैले नै किन मिलाँउ पहिले
उसको आफ्नै काईदा छ, मेरो आफ्नै काईदा छ
रिसाएर रात झन छिप्पिदै छ अहिले
न उसलाई फाईदा छ, न मलाई फाईदा छ