१
मान्छे पिच्छे मृत्यु पनि फरक हुँदो रैछ
जस्तै फरक भए पनि मनै छुँदो रैछ
सम्हालिंदै रुनेहरूको आँसु पुछ्दाखेरि
थाहै नपाई आफ्नो पनि आँखा रुँदो रैछ
२
भूकम्पले नेपाली मन बाङ्गिएको छैन
भूकम्पले नेपाली तन नाङ्गिएको छैन
राहतको निम्ति मात्रै ब्यानर बनाएर
भूकम्पले नेपाली पन टाङ्गिएको छैन
३
गोहीको जस्तो आँसु झार्नेहरू होसियार
यथार्थ ओझेलमा पार्नेहरू होसियार
पीडाको भेलबाढी अब छल्न सक्दैनौ
धमिलो पानीमा माछा मार्नेहरू होसियार
चाँगे: ५, ताप्लेजुङ
हाल: सिङ्गापुर