एकान्तमा सम्झी मलाई टोलाउँछ्यौ रे अँझै पनि
हिजो आज सपनीमा बोलाउँछ्यौ रे अँझै पनि
मेरो निश्चल मायाँलाई कुल्चिएर गए पनि
हामी बिचको भिन्नतालाई केलाउँछ्यौ रे अँझै पनि
अतितको घाउ बल्झिएर भित्रभित्रै मुटु दुख्दा
टोलाउदै कति मनमा कुरा खेलाउँछ्यौ रे अँझै पनि
मायाँको त्यो खडेरीले भुट्नुसम्म भुटेपछि
जुनकीरी झैं अँधेरीमा बिलाउँछ्यौ रे अँझै पनि
निरासाको बादल आई ढाकेपछि जवानीलाई
भित्र भित्रै तात्तिएर सेलाउँछ्यौ रे अँझै पनि
डिल्ली प्रसाद खराल♥घायल♥
बिरेंद्रनगर चितवन,
हाल: मरुभूमिको छाती दुबई