युद्धको क्रान्तिलाई नजिकैबाट देखेको छु
क्रान्तिमा हजारौ मानव बलीचढेको सुनेको छु
बलि चढेको मात्र होइन चढाएको बुझेको छु
हो त्यसैले युद्धको क्रान्ति शब्द देखी डराउछु
बैश मै युवतीको सिन्दुर पुछिएको देखेको छु
अबोध बच्चाहरू टुहुरा बेशाहारा देखेको छु
आमाहरूको कोख उजाड भएको देखेको छु
हो त्यसैले युद्धको क्रान्ति शब्द देखी डराउछु
बेलगाम क्रान्तिले बलत्कृत समाज भेटेको छु
समाजमा आपसी भरोषा टुटेको पाएको छु
साथी साथीमा बैमनस्यता बढेको देखेको छु
हो त्यसैले युद्धको क्रान्ति शब्द देखी डराउछु
माटोको गंध बारूदमा बदलिएको सुँघेको छु
गाउँका बस्तीहरूमा आगो दन्केको देखेको छु
बदलाको भेलमा क्रान्तिको समाहित पाएको छु
हो त्यसैले युद्धको क्रान्ति शब्द देखी डराउछु
युद्धको होइन अब कृषि र उध्धोगमा क्रान्ति गरौ
शिक्षा र रोजगारी शृजनाको लागि क्रान्ति गरौ
आऊ समग्रमा राष्ट्र निर्माणको लागि क्रान्ति गरौ
आऊ सबै मिली शृजनसिल बौद्दिक क्रान्ति गरौ
बाबुराम पन्थी ” गुल्मेली”
तम्घास गुल्मी
(हाम्रा बाल बच्चाहरूले पढ़ने स्कुलहरूमा बम पड्किन थालेका छन त्यसको बिरुद्धमा यो एउटा कविता लेखेको छु ।)