जनता घोडा हो

जनता घोडा हो
घोडचढी शासक हो
मालिक हो
चाबुक दम्भ हो
घोड चढी चाबुक बोक्छ
घोडा माथि चढ्छ
चाबुक ठोक्छ

घोडा बिस्तारो कुदे पनि चाबुक हान्छ
छिटो कुदे पनि चाबुक हान्छ
घोडा जनता हो
घोड चढी शासक हो
जति बेला पनि चाबुक ठोक्छ
छिटो हिडे पनि ठोक्छ
ढिलो हिडे पनि ठोक्छ

जनता आँफै हिड्न जान्दछ
घोडा आफैं हिड्न जान्दछ
ढाडमा चढी राख्न
घोड चढी
करेली तान्दछ
अनि चाबुक हान्दछ
घोडा जनता हो
अनि त्यो घोड चढी शासक हो

घोडी देखेर हिनहिनाउदा
अनि घोडा देखेर घोडी रमाउदा
त्यहा पनि चाबुक हान्छ
जनता घोडा हो
शासक घोड चढी हो
घोडा घाँस धान छुट्याएर खान जान्दछ
घोड चडी बालीमा पस्यो भनेर चाबुक हान्दछ
किनकि उ घोड चढी हो उ शासक हो

दायाँ बायाँ हेर्न दिदैन
आँख पट्टि गर्दछ
अनि चाबुक हान्दछ
उ शासक हो घोड चढी जनता हो
उ सत्ता हो घोडा चढ्छ
त्यहि घोडाको छाला बाट
जिन काठी ढाडमा ठोक्छ
लडिन्छ भनेर पाइदान टेक्छ
अनि चाबुक ठोक्छ
किनकी उ सत्ता शासक हो
घोडा जनता हो

घोडा सुत्दैन
उभिएरै आफ्नु थकान मेट्छ
पारिलो घाममा
घोडचढी
जिन कान्ठिमै सुत्छ
भुसुक्क निदाउछ
कतै ढल पल भयो
फेरी चाबुक ठोक्छ
किनकी घोडा जनता हो
घोड चढी सत्ता हो शासक हो

छिटो कुदे पनि ठोक्छ
ढिलो कुदे पनि ठोक्छ
घोडा अशक्त भयो भने
अनि गोली ठोक्छ
किनकी उ शासक हो
उ सत्ता हो
जनता घोडा हो
——————————-
November 6, 2015
Los Angeles