बाँचुजेल जिन्दगीको

बाँचुजेल जिन्दगीको आश थियौ तिमी
हृदयमा धड्किरहने सास थियौ तिमी

छुट्नूनै थियौ भने किन रोज्यौ मेरो साथ
मेरो भोक मेटाउने गाँस थियौ तिमी

सीमान्तकृत क्षेत्रभित्र कैद हुँदा मेरो प्रेम
शरीरको हर अंगमा मेरो बास थियौं तिमी

क्षितिजपारि तिमीआज भएपनि मबाट
मेरो निम्ति जीवनभर खास थियौ तिमी

गुलाबजस्तो जिन्दगी काँडाबीच फुलेको बेला
मेरोअतित बल्झाउने जिउँदो लास थियौ तिमी

डिल्ली प्रसाद खराल♥घायल♥
वीरेन्द्रनगर चितवन,
हाल: मरुभूमिको छाती दुबई