मेरा आँखाबाट बगेको आँशु
जीवन सजाउने मोती बनोस
मन्दिरमा मैले बालेको दियो
तिम्रो जीवनको ज्योति बनोस ।।
हेर्दै शान्त बिहानी
छर्दै आफ्नो लाली
झुल्केको घाममा
म देख्छु तिमीलाई
तिमीले बिर्से पनि
म भुल्न सक्दिन
जब एक्लो हुन्छु
म लेख्छु तिमीलाई ।।
हृदय बाट निस्केको गजल
बाचुन्जेल मिठो याद बनोस
जती हुन्छ दु:ख लिन्छु सबै
तिम्रो जीवन गुलाफ झै फुलोस ।।
तिमी बस्छौ यो दिलमा
सधैं आफ्नो बनेर
जब सम्म शायर भै
बाचेको म छु
तिम्रो जीवनको
म मुल्यहिन मानिस
भन्छन कायर बनेर
बाचेको म छु
कायर भए नि
शायर भए नि
गाएर तिम्रै गीत
नाचेको म छु ।।
मेरा आँखाबाट बगेको आँशु
जीवन सजाउने मोती बनोस
मन्दिरमा मैले बालेको दियो
तिम्रो जीवनको ज्योति बनोस ।।