तिम्रो खुसी हाम्रो लागि बाच्ने आधार थियो

तिम्रो खुसी हाम्रो लागि बाच्ने आधार थियो
आज बेग्लै हिजो सम्म एउटै घरबार थियो

अस्ति सम्म दु:ख सुख बाड्दै हामी बसेका
आज भयो छुट्टै भान्सा एउटै कारोबार थियो

साच्यौ सबै तिम्रै लागि भन्यौ भागबन्डा गरौ
तिम्रो लालच हाम्रो दिल मा ठुलै प्रहार थियो

जन्म देखि आज सम्म जिम्मेवारी पूरा गर्यौ
आज भयो बेकामे हिजो सल्लाहकार थियो

तिमी पनि बाउ भै बूढो हुँदा थाहा पाउलाउ
हाम्रो अन्तिम हासो भित्र कत्रो चीत्कार थियो ।।