सादा कागज झैं भो जीवन कर्म रहेन
पापीहरू बढ्दै जादा धर्म रहेन ।।
अर्धनग्न हुँदै छन् फेसनको आडमा
जे गरे नि भाकै छ शर्म रहेन।।
मानव स्वरुप उस्तै अनि रगत रातै भए पनि
घमण्डले मेटिए तर नर्म रहेन।।
दुई दिने जिन्दगानी भोलि कस्ले देख्या छ र?
इन्सान माथि इन्सानको मर्म रहेन।।
अन्धकारको जिन्दगीमा अहंकार पाल्नाले
यो समाजमा ऐचो पैचो पर्म रहेन।।
डिल्ली प्रसाद खराल♥घायल♥
वीरेन्द्रनगर चितवन,
हाल : मरुभूमिको छाती दुबई,