हिरामोती सिङ्गारिएको हात

हिरामोती सिङ्गारिएको हात अब चाहिँदैन
पीडादायी अन्धकार रात अब चाहिँदैन

बाँच्न पक्कै सक्नेछु एक्लै यो संसारमा
जिउन मलाई तिम्रो कुनै सात अब चाहिँदैन

तोडी गयौं सिसासरी कोमल यो मुटुलाई
भो मलाई ओइलिएको पात अब चाहिँदैन

आजित भएँ बीचित्र यो संसारलाई देखेर
मानव रूपी शैतान तिम्रो जात अब चाहिँदैन

जिन्दगीको भोगाइसँगै खानु ठक्कर खाएँ
ए जिन्दगी अरु मलाई लात अब चाहिँदैन

डिल्ली प्रसाद खराल घायल
वीरेन्द्रनगर चितवन,
हाल: मदरल्याण्ड