ल्याओ ल्याओ अझैल्याओ, खटाउनु पर्यो किन?
जता खान्छु उतैफाल्छु,पचाउनु पर्यो किन?
लडी बस्छु मुडो जस्तै, उठाउनु पर्योकिन?
सुधा जस्तो मिठो निद्रा, टुटाउनु पर्यो किन?
पिई बस्छु खिई बस्छु, छुटाउनु पर्यो किन?
शँकर जस्तो असल बानि, हटाउनु पर्यो किन?
फुश्रै बनोश मुहार मेरो, चिल्लो पार्नु पर्यो किन?
सकिदिन्छु सबै दौलत, साँचिराख्नु पर्यो किन?
चिन्दिन म कसैलाई, चिनिराख्नु पर्यो किन?
लिई खान्छु झिकिखान्छु, किनिराख्नु पर्यो किन?
मरेमरुन जहान बच्चा, बँचाउनु पर्यो किन?
हाँस्छु नाँच्छु अरुलाई, हँसाउनु पर्यो किन?