समय

तोरीको फूल टिपेर माला उन्न सकेपनि।
बादलको डोरी बाटेर टोपी बुन्न सकेपनि।

खरानीको धुलोबाट रोटी हाल्न सकेपनि।
बाख्राको खोरमा राखी हात्ती पाल्न सकेपनि।

ढुङ्गाको ड्याङ पारेर आलु रोप्न सकेपनि।
डोकाको जाल थापेर बाघ छोप्न सकेपनि।

खोलामा बाँध बाँधेर पानी छेक्न सकेपनि।
चन्द्रमाको शीरैमाथि पाइला टेख्न सकेपनी।

चैतमासको खडेरीमापानी पार्न सकेपनि।
समयको गतिलाई रोक्न सक्दैन कोहीपनि।