रेटी रेटी यो मुटुलाई मारी निष्ठुरीले
तड्पी तड्पी बाँच्न मलाई पारी निष्ठुरीले
यो मायाको संसारमा फिजाएर जाल
माछीलाई झैं तेलमा आज खारी निष्ठुरीले
चुम्छु भनेकै थिए सफलताको शिखरलाई
दुखै दु:खको सागरमा झारी निष्ठुरीले
एउटै मात्र,लक्ष्य थियो उनीसँग जिन्दगीमा
साथ दिन्छु भनेर नि टारी निष्ठुरीले
मेरो निश्चल मायामा काडेबार लगाएर
हृदयमा भाङ धतुरो सारी निष्ठुरीले
डिल्ली प्रसाद खराल♥घायल♥
वीरेन्द्रनगर चितवन,
हाल:-मरुभूमिको छाती दुबई”