भेडाको ऊन जस्तो

आकाशबाट के उडी आयो भेडाको ऊन जस्तो
मायाको फोटो मै खिची लान्छ पूर्णेको जून जस्तो

हिउँको धर्सो पग्लेर आयो चौंरीको दूधको जस्तो
आजको साइत मै बही आउँछ झुल्केको घाम जस्तो

डाँफेले बच्चा कोरली ल्यायो बुकीको फूल जस्तो
ढुङ्गामा मूर्ति मै खोपी जान्छु तिमरै रुप जस्तो

आकाशबाट के उडी आयो भेडाको ऊन जस्तो
मायाको फोटो मै खिची लान्छ पूर्णेको जून जस्तो

शब्द – नारायण वाग्ले
स्वर – अमृत गुरुङ (नेपथ्य)
एल्बम – भेडाको ऊन जस्तो