मेची दुख्दा काली दुख्दा

मेची दुख्दा काली दुख्दा, तिम्लाई दुखेन र ?
गण्डकी र कोशी सुक्दा, तिम्लाई दुखेन र ?

भोक भोकै सडकभरि, कर्णधार देख्दा
विवशतामा शिर झुक्दा, तिम्लाई दुखेन र ?

टोक्न सधैं खोजी राख्ने, छिमेकीको कुकुर
आफ्नै घरतिर भुक्दा, तिम्लाई दुखेन र ?

खोसिएको बारम्बार, स्वभिमान र सीमा
उठाएको नारा लुक्दा, तिम्लाई दुखेन र ?

– नकचरे नरेन लिम्बू
चुलाचुली:इलाम

1 thought on “मेची दुख्दा काली दुख्दा”