पन्छीमा डाँफे राम्रो फूलमा लाली गुराँस
हामीलाई लाग्छ राम्रो नेपाली धरती आकास
कुहिरोको पर्दा खोली घामका झुल्का च्याउँछन्
सिन्दूरे रंगमा रंगी हिमालका थुम्का रमाउँछन्
हामीलाई लाग्छ प्यारो जन्मे हुर्केको यही बास
हामीलाई लाग्छ राम्रो नेपाली धरती आकास
ध्वाजामा चन्द्रसूर्य दिनरात मुस्कुराउँछन्
स्वरमा भरी माधुर्य सेती र काली गाउँछन्
हामीलाई लाग्छ मिठो यही माटोको सुवास
हामीलाई लाग्छ राम्रो नेपाली धरती आकास
शब्द – रत्नशम्सेर थापा
स्वर – मीरा राणा, कुन्ती मोक्तान/आनन्द कार्की, कुन्ती मोक्तान, ममता दिपबिम, राजु लामा
संगीत – शिवशंकर
एल्बम – गाउँछ गीत नेपाली