१.
लिगिलिगि सं
नुग: भाराभारा मीं
त: भुखाय् ब्वया ।।
२.
त:भुखाय् ब्वल
पराकम्पन वल
छेँ फुक्क संबा: ।।
३.
त:भुखाय् ब्वल
राहत वै विदेशं
नेतां सुचुकी ।।
४.
त: भुखाय् ब्वल
पराकम्पन मतं
छु जुई मस्यु ।।
५.
तःभुखाय् ब्वल
त: धंगु बिध्वंसय् झी
म्वाय् गु ल्यं दनि ।।
६.
सम्पदा दुन
तःभुखाय् यागु हुनी
झीगु हे कपा: ।।
७.
थ:गु छेँ खनां
सकलें त्राहिमान
त: भुखाय् ब्वया ।।
८.
झीगु सम्पदा
गनतन गन थौं
सुयात वास्ता ?
९.
मदुंगु स्येन
स्यंगु ल्होनीगु सुनां
पियाच्वना झी ।।
१०.
येँ,यल,ख्वप
छेँ,फल्चा व सम्पदा
दुन भुखाय् चां ।।
११.
पहाड ल्ह्वन
दिगिदिगिं सकल
सर्ग धुफ्व: दं ।।
१२.
त: भुखाय् तन
तिब्बतय् वा वयेवं
नेपालय् चलं ।।
सुभाय् ।।
– ज्ञान बहादुर महर्जन”नेवा”