उदाशिनतासँग सम्झौता हुँदै रमाउन मन लाग्यो
भाग्यसँग सम्बन्ध तोड्दै फुरफुराउन मन लाग्यो
डाडा, काडा, वन, पाखा भन्ज्याङ् पार गर्दै
कहिलेकाहीं दिलको कुरा बरबराउन मन लाग्यो
शीतलताको खोजीमा चौतारी र छहारी हेर्दै
अनेकौ मनको तुना त्यहाँ फरफराउन मन लाग्यो
अनेकौ पीडामय तुफान र बबण्डरलाई सेक्दै
कुनै सहयात्रीलाई रोज्दै ऊसँग कराउन मन लाग्यो
आज धेरै दिनको थकानपश्चात मौनता रोक्दै
कसैको पर्खाइमा समुद्रकिनारमा हराउन मन लाग्यो
राज भण्डारी (विवश)
मध्यबिन्दु न.पा. ४, नवलपरासी
हाल, दुबई – युएई