रुँदै छ त्यो भोकार्इ (गजल)

रुँदैछ त्यो भोकार्इ दाना कतै छैन
शरीर ढाक्ने केही नाना कतै छैन ।

उजाड भै साराबस्ती राष्ट्र खाली भो
असारको पानीमा छाना कतै छैन ।

गरीब त्यो भोको बस्दा बुझ्छ कस्ले खै ?
बसेर भोकै रोए खाने खाना कतै छैन ।

हिमालका सेता चुच्चा अश्रु झार्दै छन्
छ देशका नेता ती राना कतै छैन ।

ति भोट माग्दै धेरै आशा थुपारे थे
कहाँ बुझे पीडा नै ताना कतै छैन ।।

बहरे हजज मुसम्मन मक्बूज अखरम अखरब
रुक्नः मफाइलुन, मफ्ऊलुन, मफ्ऊलु, मफ्ऊलुन्
सूत्र ः ISIS SSS SSI SSS
भावना न्यौपाने ‘भावना’