के हो

लम्बाइ के हो र चौडाइ के हो
चोखो पिरतीको गहिराइ के हो

जे थियो मुटु थियो प्रेम रोगीको
सर्वस्व गुम्यो रे, सुनवाइ के हो

पोखाएर नसक्ने, भनेर नघट्ने
अन्तरमा धेरै दुख्ने दुखाइ के हो

सौन्दर्यको बली चढ्छन् शेरहरू
गाइ माग्ने गजलको सच्चाइ के हो

आगो बल्न घर्षण होस र पो हुन्छ
खोल नभए अकेला सलाइ के हो

आशैआशामा जीवन बिताउनेको
गुमाएको यौवनको भरपाइ के हो

जूनसँग भेटेदेखि बिरामी छ “रवि”
निको हुने पर्खाइ छ दबाइ के हो
********
जिरी