हो रैछ संसार निशा समान
आएन ज्यूँदै रहँदा नि ज्ञान ।।

भन्यौ तिमीले अघि मन्त्र यस्तो
साँच्चै बुझें आज नयाँ विधान ।।

बग्दैछ आँसु गहबाट मेरो
मानौ फुटेको छ नयाँ मुहान ।।

उत्थानका क्यै परिणाम छैनन्
खन्दैछु आफ्नो म स्वयं चिहान ।।

पर्खेर बस्तैछु नयाँ उज्यालो
सम्भावनै छैन हुने बिहान ।।

गन्तव्य मेरो किन हो हरायो
भेटिन्न नौलो किन प्रावधान ।।

बाढी र पैरो अति नै चलेर
मेरै बगायो किन हो जहान ।।

एेले म धेरै पछुताउमा छु
मै माथि हे दैव परेछ घान ।।

वर्षादको बाढी चलेछ यस्तो
आतङ्क झैं फेरि उठ्यो उफान ।।

सक्छौ भने फेर विधान अर्कै
र होमलाई अब माथि तान ।।

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *