सभा भएकी ठौर लै कभै चुरोटको ठोटा धेकिनान
निकाइ धेकिनाका पैसा लै कभै खोटा धेकिनान
फोटामाइ भौत अल्का धेकिना मान्स साँच्ची छोटा धेकिनान
सम्भ्रान्त भणिनाका मान्स लै कभै आरक्षणका कोटा धेकिनान
सज्जन भणिनाका मान्स लै कभै उट्पटाङनका गोटा धेकिनान
केइ काम नाइलागलो भणिना मान्स लै दवाइका पोटा धेकिनान
हेल्वा निकरी खाइ अगाया निउतेरुनका हात लै घर लैन्नाकि रोटा धेकिनान
पाछाइ आया भया कसै निउतेरुङ्का हात पैली आयाइ जानी थाली रे लोटा धेकिनान
उस्या कच्छाइमा भया लै इथ उथ गयाले प्राय भोटा धेकिनान
उस्या दुबलाई भया लै मान्सै ठौर खसी झा मोटा धेकिनान्
-शिवराज कलौनी
भि न पा ३ कञ्चनपुर