सहर बसें म त गाउँ धेरै पछि आए आज

सहर बसें म त गाउँ धेरै पछि आए आज
फूर्सद अनि खुसी मैंले धेरैपछि पाए आज।।१।।

खेत सरैया उस्तै कस्तो हुर्किएको ठाउँ प्यारो
आमाले पकाएको खाना धेरैपछि खाए आज।।२।।

माया उस्तै प्यारी मेरी काली उन्को मिठो बोली
हात समाइ चोखो माया धेरैपछि लाए आज।।३।।

बहाना भो उनलाई भेट्न धेरैपछि गाउँ आको
रिस गर्नेका आँखा छली अंगालोमा लाए आज।।४।।

मिलन भाको धेरै पछि मैंले मेरा खुसी साटे
उफ्रेर कस्तो मिठो गित धेरै पछि गाए आज।।५।।