न्याउलीको विरहमा आज साथ दिइ बाँचेको छु
अन्तै रम्न गएनि फर्कने आश लिइ बाँचेको छु।।१।।
मुस्कान छर्न सकिन मैंले दुःख पिएर घटघट
विरहले छाती मिच्दा श्वास अल्झाई बाँचेको छु।।२।।
हाँस्न सक्दैन मेरो मन रमाउन तिमी बिना कति
सम्झना आउँदा खस्ने आँशु प्याला पिई बाँचेको छु।।३।।
सम्झना छ अझै मलाई राती बिताएका पलहरु
प्रेमको कस्तो बल्छी लाग्यो घाइते बनी बाँचेको छु।।४।।
न त हाँस्नै सकेको छु आज न त मर्नै सकेको छु
धड्के पनि धड्कन जिउँदो लास भई बाचेको छु।।५।।