माटोमाथिको विश्वासका पर्खालहरु चर्केका छन्
आफ्नै छोराहरु अर्काको घरतिर फर्केका छन् ।।
अन्धाधुन्ध विश्वग्रामको रहर बढेको छ बढेको छ
आफ्नो मातृभूमिबाट निरन्तर परपर तर्केका छन् ।
सामाजिक सञ्जाल हेरेर अनुमान लगाउन सकिन्छ
अर्को मुलुकमा पुगेर धनको लोभमा भेडाबाख्रा जसरी खर्केका छन् ।
बडो हतार देखिएको छ आजको युगमा उन्नति गर्न
तेस्रो मुलुकमा गई उतै उन्नति गर्न भिसा पर्खेका छन् ।
सामाजिक सञ्जालमा बडो मातृपितृभक्त पल्टेको देखिन्छ
यता आमाको सिटामोल खरिद गर्नु पर्दा नराम्रो गरी झर्केका छन् ।।
सुख शान्ति र समृद्धिको नारा कुर्लनेहरुको बिगबिगी छ
तर अझ पनि अन्याय र अत्याचारका नगरा देशमा थर्केका छन् ।