परैबाट आँखा जुधाउँदा रहेछन्
नजानी नजानी बाेलाउँदा रहेछन् ।।
नजीकै बसेमा असल् हुन्छ भन्थे
उनी दूर बस्तै सताउँदा रहेछन् ।।
हुँदा दूर देशमा हुँदै हुन्न माया
भनेको म सुन्थें फसाउँदा रहेछन् ।।
ऊ ता खाडीका गर्मीको देशबाटै
मुटुमा निसाना लगाउँदा रहेछन् ।।
नसोचूँ भन्यो लौ धरै पाइएन
नयन आँसु धारा बगाउँदा रहेछन् ।।
म ता स्नेहले प्रेम सञ्चार गर्थें
उनी ता रगत नै चुहाउँदा रहेछन् ।।
परिवारको गर्न थालेर चिन्ता
नखाई नखाई अघाउँदा रहेछन् ।।
यता छु म एक्लै उता छन् ऊ एक्ला
तिनैले मलाई रुवाउँदा रहेछन् ।।