पत्तै भएन

कैले बालपन वित्यो जवानी कैले पत्तै भएन
आई सकेछ काल सिरानीमा कैले पत्तै भएन

गर्ने मन थियो उनीसंग पेटभरि मनका कुरा
उम्कि सकेछ राम्रो साइत उहिले पत्तै भएन

काम कति थिए शुरू गर्न कति पुरा गर्न
गोधूलि सांझ ढली सकेछ पैले पत्तै भएन

साहु जति सबै आए भेट्ने बहाना गरी
तिर्ने वचन दिएको रैछु मैले पत्तै भएन

कोशिश जति गयो खेर जोगाउन ज्युने दियो
रित्याइ सकेछ सबै तेल उसैले पत्तै भएन

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *