‘स्यानी’ भन्ने नामले
डाकिन् स्यानी आमाले
‘अम्बा खोज डालीमा
राख अनि थालीमा’
अन्तर–कुन्तर केलाइछन्
मनमा कुरा खेलाइछन्
‘अम्बा भए डालीमा
ल्याउँथेँ मैले थालीमा’
‘राम्रोसँग सोचे है !
बाहिर गई खोजे है !
पक्कै छ त्यो डालीमा
टिपी ल्याऊ थालीमा’
काकीको यो बानीले
दिक्क मानिन् नानीले
‘भएदेखि डालीमा
ल्याउँथिनँ र थालीमा ?’
करेसामा गइछन्
बल्ल खुसी भइछन्
‘रै’छ रूखको डालीमा
टिपी ल्याइन् थालीमा ।’
— रमेशचन्द्र घिमिरे
भोर्लेटार, लमजुङ ।