रोटे पिङ खेल्न नपाई अनि न टीका लगाई
यो दशैं पनि बित्ने भो यसै घरमा नआई
जमरासँगै आशीर्वाद दिने जननी कस्ती छन् ?
दाजुलाई सम्झी बहिनी पनि रोएकी जस्ती छन्
पियारी भोकै बसेकी होलिन् प्रसादी नखाई
यो दशैं पनि बित्ने भो यसै घरमा नआई
दशैंको खुसी मान्न म आमा अर्को साल आउँला
नरोए प्यारी पिरती नौलो त्यै बेला लाउँला
भाग्ने भो खुसी मबाट टाढा यो मनमा नछाई
यो दशैं पनि बित्ने भो यसै घरमा नआई ।
-रमेशचन्द्र घिमिरे
भोर्लेटार, लमजुङ