समयको चक्र मोडे यो महल अझै स्वागत गर्न तयार छ
चक्रव्यूह त्यो तोडे यो महल अझै स्वागत गर्न तयार छ।।१।।
समयले जबर्जस्त तिमीलाई लादेका आचारसंहिता उपर
अध्यादेश ल्याए यो महल अझै स्वागत गर्न तयार छ।।२।
असन्तुष्टीका ज्ञापनपत्रहरु पेश गर्न उद्दत छ है मेरो मन
ज्ञापन बुझेर आए यो महल अझै स्वागत गर्न तयार छ।।३।
सल्बलाएका तिम्रो चाहनाका एक बथान रहर र खुशीहरु
हृदय खोलेर ल्याए यो महल अझै स्वागत गर्न तयार छ।।४।।
तिम्रा चुराहरुमा जाग्ने रोमान्चकारी त्यो ध्वनी मेरो समिप
आइ सुनाए छनछन यो महल अझै स्वागत गर्न तयार छ।।५।
पराई अधिनस्थ त्यो सिमाबन्धन च्यात्न सक्छ्यौ भने
शान्त र सुन्दर यो महल अझै स्वागत गर्न तयार छ।।१।।