।१।
कुरा नगर राजनीति नै यस्तो
औषधि भन्दा विरामी सस्तो
विधि र विकास मात्र पो भन्छौ
गणतन्त्रमा पनि, तिमी नेता कस्तो?
।२।
अधर चलाउँछ्यौ, नयन घुमाउँछ्यौ
लरबराउँदै बोल्दा, शब्द नै गुमाउँछ्यौ
दुई छोराको बाबू हुँ, सम्हाल आफुलाई
बाआमालाई आँशुमा,किन पो डुबाउँछ्यौ?
।३।
आशा अनि आँट दिनुस, खुशी दिने कुरा लेख्नुस
काँडा मात्रै सधै किन ,बोटहरुमा फूल देख्नुस
राम्रो मान्छे भएर नै यहाँको साथ खोजेको हुँ
सपनाको जेट छोडी,अब आफ्नै धर्ती टेक्नुस!