हरियाली हरियाली वसन्तमा सबतिर देखियो
मरो मन मन्दिरमा वसन्तको संरचना लेखियो
राम्रो कति भयो अधिक सुन्दर त्यो मोहक प्रकृति
आयो पालुवा वृक्ष वृक्षमा छायो नविन जागृति
ल्यायो मेरो मनभरी वसन्तले आनन्द नै आनन्द
कुहुकुहु कोहिली भाकाले पार्छ त्यो वनै पवित्र
चारैतिरबाट वसन्तले मेरै गर्छ सदा स्वागत
अहो अहो वसन्तको कस्तो रम्य सुन्दर सजावट
दुलहीँझैं सिँगारिएर वसन्तले गर्छ मेरो स्वागत
डाँफे मूनाल नाचेर गर्छन् वसन्तको बोलावट
प्रकृतिले जादु देखायो मनोहर वसन्त यो ल्याएर
पाखा पखेरा सबतिर हरियाली कन्दरा बनाएर
कस्तो मोहकारी रुप आयो धर्तीमा यो मृदुल
कान्तिमय कला प्रकृतिको कति वक्ष छ शितल
नविन जोश ल्यायो जगतमा बाग हरियो बनाई
कोकिलले गायो वनकुञ्ज भरी पञ्चम मधुराई
कस्तो मोहकारी प्रकृति धर्तिमा वसन्तले गरी
प्रसन्नै सबै छन् यहाँ सुन्दर त्यो छटामा रमी
वनका कुञ्ज कुञ्ज मनोहर वसन्तको कान्तिबाट
त्यहीँ सुन्दरतामा रम्ने छन् यहाँ प्राणी लाखौंलाख
मधुर स्वरको सूरुसँगै त्यो मृदुकण्ठी कोकिलको
नृत्य सर्वस्त्र मनोरञ्जक देखियो सुन्दर मयूरको
मत्यमण्डल आज स्वर्गसरी छ आहा कति राम्रो
सुशोभित छ सबतिर मनोहर धरती यो हाम्रो
२०६३ श्रावण ०७ गते लेखिएको