कसैलाई खरानी, कसैलाई कोइला


कसैलाई खरानी, कसैलाई कोइला चाहिएको छ
बालाई आवश्यकता पुर्याउन दाउरा चाहिएको छ

आमाबुबालाई वृद्धाश्रम पुर्याउन दबाब दिने पत्नी
भन्दैछिन् यीनै छोराछोरीको सहारा चाहिएको छ

जग्गा बाँझो राखेर सहर पसेको जोकोही सहरिया
घरको छतमा खेतीपाती गर्न गमला चाहिएको छ

मासु नूनसँग मोलेर खानुस् या त उमालेर खानुस्
बाँच्नकै लागि पनि दुर्गममा चिउरा चाहिएको छ

भाइ फुटे गवार लुटे के नै रह्यो र धनदौलत यहाँ
सन्तानलाई पुग्दैन अँझै गरागरा चाहिएको छ

दिवाकर भट्टराई
दमौली तनहुँ

  • 2
  •  
  •  
  •  
  •  
  •  
  •  
    2
    Shares

Leave a Reply

Your email address will not be published. Required fields are marked *