तिमी खुकुरी मेरो जीवन हेर अचानो छ
रित्तिइसके आँसु, भन्छौ आँखा ओभानो छ
ऊ केजी होइन क्विन्टल, टनको कुरा गर्छ
आफूलाई पछ्याउने उही पाथी छ मानो छ
अरुसँग हुनु र नहुनुमा फरक देख्दिन म
छ न त छिमेकी ठुलो छ तर सोच सानो छ
मेरो देशमा पनि कानून नभएको होइन साथी
संविधान छ तर बहिरो अनि कानो छ
म रित्तिएँ कोही भरियो परिचय फरक भो
यो ज्यान आज आफ्नै परिवेशमा विरानो छ
२०७७–०३–०५,
नुवाकोट, तारकेश्वर गाउँपालिका–१,दाङसिङ