जय होस जय होस जय होस
मेरो जन्मभूमि नेपालको
अमर रहोस वीर शहीदका गाथा
नमेटिउन देशका सिमारेखा
उठोस हात घर घरबाट
बनाउन नेपाललाई संसारकै खास्सा
जय होस जय होस जय होस
फर्फराइरहोस चन्द्र-सूर्य अंकित झण्डा
अनन्तसम्म सगरमाथा शिरमा
निधारमा लाली हातमा गुराँस थाली
चम्की रहोस स्वाभिमान नेपालको
युग युगसम्म संसारमाझ
जय होस जय होस जय होस
घन्किरहोस् घिन्ताङ मादल
नाचिरहोस वीर गोर्खाली खुकुरी
तराइ सिचोस हिमालले
भकारी भरोस तराइले
तोड्न नसकोस हाम्रो बन्धुत्व
कोइ बैरी परदेशीले
जय होस जय होस जय होस

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *