सर्न पाऊँ

म भाका सुसेली यतै छर्न पाऊँ
यहीं फुल्न पाऊँ यहीँ झर्न पाऊँ ।।

यहाँ जिन्दगानी बडो धारमा छ
म आराधना ईशको गर्न पाऊँ ।।

यहाँबाट फुत्केर जानै छ गारो
ठुलो सिन्धु पौडेर नै तर्न पाऊँ ।।

कदाचित् भएछन् भने विघ्न वाधा
उताबाट चाँडै यतै सर्न पाऊँ ।।

पराया बनी देश बिर्सन्न कैल्यै
म मेरो यसै देशमा मर्न पाऊँ ।।

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *